Fór í linsubúðina mína til að fá nýjar linsur og ákvað því miður að láta mæla í mér sjónina. Hefði betur sleppt því þar sem sjónin hafði versnað svo að þeir vildu senda mig til augnlæknis og bönnuðu mér að vera með linsur í tvær vikur því ég væri með hornhimnubólgu eða eitthvað álíka. Great ég sem þoli ekki að vera með gleraugu sérstaklega þar sem gleraugunum mín eru svo gömul að ég sé ekkert með þeim, þannig að nú lifi ég bara í móðu. Langar í laser....

Eitt sem ég skil ekki alveg við Danina er að á hverju ári snjóar hér í Danmörku en alltaf kemur það þeim jafn mikið á óvart. Allur infrastrúktúr hrynur, samgöngur, póstburður bara allt. Þetta hefur nú heldur betur bitnað á mér, fluginu mínu til Parísar var aflýst, ég er búin að bíða eftir pakka í viku núna og hef ekki getað notað nýju stígvélin mín sem ég fékk í jólagjöf (okei það er kannski snjónum að kenna en ekki Dönunum sem slíkum).

Mig langar í skinkuhorn og svo langar mig líka að prófa eina kökuuppskrift úr súkkulaðibókinni sem ég fékk í jólagjöf. En það er svo kalt að mig langar ekki út í búð.

Þá er búið að skíra litla prinsinn, bein útsending og alles - fékk nafnið Kristján Valdimar Henrik Jón. Pabbi hans táraðist að vanda enda alveg einstaklega mjúkur maður þar á ferð.

Var á leiðinni til Parísar áðan, búin að pakka og á leið út þegar fluginu var frestað vegna snjókomu. Bömmer

Ég er náttúrulega alveg glataður bloggari, blogga bara ekki neitt, enda ekki mikið að gerast þessa dagana. Það er kannski helst eitthvað að gerast hjá Snorra sem tilkynnti mér áðan að hann væri skotinn í stelpu á leikskólanum sem er með grátt hár að hans sögn. Annars er hann að reyna að kyssa þessa stelpu en hún vill ekkert með hann hafa og ber hann bara á móti. Jebb love hurts....

Það er kalt í dag